Top of my pops
Сè ми се собра:
Подредувањето нема врска. Не знам што ми текна да користам подредена листа…
Гасни комори за хакери
Објави хак на сет-топ-бокс. И оди 15 месеци во затвор. ДРМ сакс биг тајм.
Ј У Д А
::овој блогпост има видео::
Жизас и Жудас (шема ми е да користам Ж наместо Џ последно време, as in Жанго), биле добри другарчиња.
После Жуда осетил малку маст на забите. Арно ама не се обесил, туку се скрил во некое дувло. По 10 години излегол од таму и видел шо се случува, дека Жизас е суперстар…
- „What have I done???“ -рекол, или на Арамејски
- „??? מוּסכָּם מַה“
Млад умре, кутриот. Денес таквите ни се по дома.
Ова сподели кино не е рангирано :), 14.05.2008 во 20 ч. [Точка]
Оваа недела на сподели кино документарен филм за рангирањето на филмовите од страна на MPAA. Описот вели:
This Film Is Not Yet Rated is an independent documentary film about the Motion Picture Association of America's rating system and its effect on American culture.
Големиот брат Гугл
A new type of video surveillance vehicle aiming to capture random Romans on a sunny afternoon? Nope.
It was the seemingly more benign Google Maps vehicle. After snapping a few photos on my Nokia N95, I was asked by a group of pensioners who was driving the offending vehicle. “Google”, I informed them. “They are filming the city, street-by-street”, I added. They just shook their heads in bafflement. LINK
.
Glocal 2.0, последен ден
Конференцијата полека се приближува до крајот и додека ја слушам Елена како раскажува за аматерот и блогот, качувам слики на фликр пред да ми се потроши батеријата. :)
Сепак, како што се очекуваше ѕвезда беше Марсел со дискусијата за паразитирање на корпоративните инфраструктури во онлајн светот. 
Можеби, Миша, Дамјан или Игор ќе напишат повеќе.
Разгледници од барата
Денес, на Glocal, уште една презентација е откажана поради тоа што предавачот не успеал да добие виза за Македонија. Ова е трето откажување на конференцијата, второ поради виза (уште едно поради „бирократски причини“).
Ако нешто ме нервира е кога нашите кретени малтретираат странци за визи, а истовремено бараат од европските кретени да не ги малтретираат граѓаните на Македонија.
Webcam drivers: Genius TwinkleCam
If somebody googles this page:
I have found functional (windows) drivers for Genius TwinkleCam DC-2110 Web-cam. LINK
I lost few hours to find them (not available at vendor site), original media got destroyed.
Ден на Европа
Денес е 9-ти Мај, Денот на Европа. Сакам да им го честитам овој ден на на сите сограѓани, и да си посакаме подобра иднина отколку минато, со попаметни политичари, пофлексибилни соседи и најбитно од се, многу подобра економија. Во прилог, веќе традиционално, радио емисијата во MP3 формат по овој повод продуцирана пред 4-5 години (јас сум автор на текстот). Доколку сте млади (18-25) и би сакале да научите повеќе за заедничката европска иднина, контактирајте ги луѓето од мојата поранешна НВО - JEF.
Едит: Линкот кон емисијата е објавен на cc.org.mk.
Опуштено пред последниот ден од Glocal
Ете и тоа бидна. Презентацијата што требаше да ја направам за Glocal заврши и според коментарите од публиката, замислете, добра била. :)
Презентацијата е достапна за преземање во презентации, а целиот текст е достапен во текстови.
Glocal 2.0, ден втори: утринска сесија
Некако утрово ми се допадна локалниот контекст на конференцијата. Освен Драган од Нови Сад кој што презентираше и некои блогерски алатки, сите други презентации беа за тоа како кај нас и во соседството блоговите учествуваат во јавноста, создавањето на јавното мислење, политиката, активизмот.
Во таа смисла посебно ми се допадна презентацијата на Сеад, за активизмот на македонската блогосфера... како блогоскептик некако супер ми дојде она „многу врева за ништо“... :)
Кон крајот некако ми оди дискусијата премногу во дневнополитички води. Не одговара тоа за една блог конференција.
Glocal: Сумирање на попладневната сесија во помалку од минута
Ирена: Блогосферата сеуште го задржува патријахалниот општествен сетап.
Василка: Нема пирамида во Босна... скептицизмот е добра одбрана во читањето на интернет.
Радмила: Дигиталниот генерациски јаз е пречка за пошироката употреба на блоговите во едукативниот процес.
Јетон: Се е тоа убаво, ама Greasemonkey рулз...
Публиката: Хм... кој спомна закуска после сесијата? ;-)
[GLocal 2.0] По утринската сесија
Ново: Јаху цевка за конференцијата.
Кратко заокружување на утринската сесија:
Робин BBC: Користиме многу web2.0 сервиси... но, BBC никогаш не одлучил да го прави тоа, туку само некои луѓе иновираат на разни места во куќата.
Зоран Утрински: Тешко им се пишува на старите (мејнстрим) медиуми.
Марсел: Што правиме со тоа што од персонални компјутери (PC) се враќаме назад на мејнфрејми кога станува збор за социјалните медиуми?
Ручек. :)
[GLocal 2.0] Конференцијата започна
Еве сме во живо на Глокал. Конференцијата само што започна. Веројатно ќе пишуваме често на СподелиЗнаење за да знаете што се случува.
Мојата фотографија на en.wikipedia
Слушајќи го Робин Хаман од БиБиСи на Gloca2.0, го посетив и неговиот блог и видов дека го ставил Скопје со врска до Википедија на англиски.
http://en.wikipedia.org/wiki/Skopje
И таму, мојата фотографија од Скопје, сликана од видиковецот на Водно, лани за време на МОТ.
Кул. :)
Ве слушаме!!
Денес ми се случи епифани. LoL. Се почувствував како Сашо-ФакторХ кој препознава потсвесни пораки, or something.
Еве зoшто:
Еден месец порано…
Што има деновиве?
Вчера и утре одржувам(е) предавања за студентите од политички науки. Ова веќе прерасна во традиција. 6 години, 9 предавања за слободен софтвер и слично за правници, политиколози и новинари.
Marcell Mars вечерва пристига во Скопје. ;-)
Утре блогоконфзбир во Точка.
Денес бев во Орхид... многу, многу студено.
ATI ‘fglrx’ U/K/X/buntu пропуст/решение
Во новата верзија на Ubuntu системите (сосе сите деривати), има пропуст на скриптата за ATI неслободниот драјвер (сѐ уште нема слободен напреден драјвер за мојата картица –radeonhd има проблем со backlight-от на мојот Thinkpad) кој прави системот да замрзне штом се одлогирате, пробате да го рестартирате системот или рестартирате Xorg.
Тоа се решава лесно. Проблемот е во /etc/ati/authatieventsd.sh датотеката. Најдете го делот:
XDM_AUTH_MASK=/var/lib/xdm/authdir/authfiles/A$1*
и заменете го со:
XDM_AUTH_MASK=/var/run/xauth/A$1*
После ова рестартирајте го компјутерот и сѐ треба да е во најдобар ред. Барем кај мене е.
Бебето Ве носи поблиску до бога
Денес отворам весник и можам да кажам дека првпат по долго време се згрозив. Немав отворено весник одамна, читам онлајн изданија во кои ги нема комерцијалните огласи на Владата, како и приватните реклами…али бев во ВЦ, шо да правам .. u know what I mean 
На една страна пишуваше „Создавајте семејство“ или нешто така, нешто потаму „Со раѓањето на ново дете, секоја фамилија е поблиску до Бога“. Ок, интересно, иницираат повеќе-детни фамилии, НО…тадам…што е со луѓето кои не можат да имаат деца поради неплодност? Дали тие ќе се толку далеку од Бога? Како се чувствуваат сопрузите или жените кои не можат да оплодат/бидат оплодени поради стерилитет или некое сериозно здравствено заболување? Како државата ќе ги реши социјално овие фамилии?
Знам, во Кина имаше бенефиции за фамилиите кои ќе имаат само едно дете, да се стимулира наталитетот, замислете, им плаќаа за да не раѓаат деца (којзнае колку далеку од Бога се Кинезите хехе)..и што е со потенцијалните родители т.е. сопружници кои се атеисти? Пораката дека со секое дете ќе се поблиску до Бога и тоа како ќе ги демотивира да „работат“ на случајот Зачнувањето, раѓањето и одгледувањето дете е магија…не предизборен маркетинг за перење на пари.
Интегрално: Листи на кандидати
Мој коментар: Топ листа надреалиста 
Најавувам анализа на двете програми откако ќе бидат објавени.
Девојчето кое скокна низ времето
Незаборавно аниме кое ќе ви го стопли срцето.
Четврток, 08.05.2008, 21 часот во К.Ц.Точка
Ги знаете ли оние филмови по чие гледање се чувствувате како да сте биле на долго и прекрасно патување, а тоа чувство не ве напушта неколку дена?
„Девојчето кое скокна низ времето" е еден таков филм, во кој може да ги пронајдете вашите најдлабоки, скоро архетипски, спомени за некое долго убаво лето.
Покрај визуелната магија на постојано синото небо прошарано со огромни меки кумулонимбуси и носталгичната музика, филмот ни прикажува една постојано интересна и непредвидлива приказна со многу пресврти и силни емоции. Иако името сугерира научна фантастика, главниот двигател е личноста на девојчето (Макото) заплетканo во комплексниот развој на пријателството и љубовта во самракот на детството. 
Филмот има освоено многу награди на повеќе јапонски и интернационални фестивали,
од кои можеби најзначајни се оние кои го прогласиле за анимиран филм на годината,
а најпрестижна е онаа која ја доделува јапонската академија (еквивалентна на американскиот оскар).
Базиран е на новела за возрасни од шеесетите, но преработена и прилагодена според модерните навики.
Овој филм ќе го гледате во рамките на првата епизода од македонската Јапанорама во четврток на 8ми Мај 2008 од 21 часот.
Овозможено од Japan@mk во соработка со К.Ц. Точка, а поддржано од Метаморфозис.
Режисер: Хосода Мамору
Анимација / Јапонија / 2006 / 98 мин
Погледнете го трејлерот
И официјалниот сајт на филмот
Еве и една преубава песничка од филмот.
Маалски финти
Вакво потценување на интелегенцијата на гласачите ниту имало, ниту ќе има! Среќа, што народот е попаметен од најголемиот број политичари и може да препознае кога некој сака да си поигра со него. Повеќе.
Glocal 2.0 - програма и работилници
Од 8-ми до 10-ти мај, на Њујорк Универзитетот во Скопје ќе се одржи втората Glocal конференција посветена на нови медиуми и се околу нив.
Најавени се многу интересни гости од Македонија и повеќе земји од светот. Погледнете ја целата програма и изберете на што сакате да присуствувате. Не е потребна никаква котизација за учество на конференцијата.
Последниот ден од 14 до 17 часот јас и Анастас ќе водиме две паралелни работилници. Мојата работилница ќе биде наменета за почетници во светот на блогирањето, и ќе ги води како да регистрираат свој блог, како да управуваат со него, променат изглед, додадат записи, коментари, пријатели ,мултимедијални содржини и сл. Во зависност од желбите на учесниците, распоредот може и да се менува.
Анастас ќе зборува за понапредни техники и технологии, како користење и ползување social bookmarking платформи за најразлични цели, оптимизирање за пребарувачките машини, како до user-friendly блог, следење сообраќај, RSS, агрегатори итн.
Доколку сте заинтересирани да присуствувате на некоја од работилниците, пратете ми е-маил на misos на gmail.com за да обезбедиме простор за сите учесници.
Сподели Кино 7.мај 2008 г. во 20ч. [Точка]
Оваа среда на „Сподели Кино“ ќе слушаме музика.
Што ни е идејата?
Во четврток почнува Glocal конференцијата во Скопје, па заедно со организаторите на конференцијата, одлучивме да им посакаме добредојде на учесниците.
Ќе пуштиме неколку филмови за web 2.0 а после ќе се фокусираме на слободна музика лиценцирана под криејтив комонс. Имаме многу добра музичка колекција од jamendo.com која ќе го разнежни најциничното уво. :-)
Ова е добра шанса да се запознаете со интересни луѓе од регионов и пошироко и да поразговарате за web2.0, блогирање, слободен софтвер, интернет живеење и смислата на постоењето.
IDG: Иднината на печатените медиуми е исклучиво на интернет
Според луѓето од IDG (PC World, IDG Books, IDC) експериментот наречен транзиција кон интернет за нив како компанија која живее од печатените медиуми е крајно успешен. Во 2002 14% од рекламите биле дистрибуирани преку интернет, додека сега тоа е 52%. Со оглед на многу добрите маргини благодарение на поефикасниот начин на дистрибуција (расходи за печатење, дистрибуција), овој прилив од интернет рекламите учествува со 70% во крајниот приход на компанијата. Неделникот InfoWorld прекина со печатењето и продолжи исклучиво на интернет. За разлика од претходната година, ова издание прави повеќе пари иако нема печатени реклами. Повеќе во текстот на Њу Јорк Тајмс.
Мора да се има во предвид дека оваа куќа е ориентирана кон компјутерски изданија. Отворено е прашањето како би одела конверзијата на некоја по-офлајн групација. Исто така интересно ќе биде како регионалниот лидер Баг ќе го помине овој период.
Што да правите ако сте во Свети Николе на неколку часа?
Денес, поради сплет на околности, завршивме во Свети Николе и покрај тоа што тоа не ни беше првичниот план.
Гратчето е супер и мислам дека сите беа пријатно изненадени од неговиот изглед.
Па ако сте таму на поминување или подолго одете на добра скара во „Пуже“,
но бидете подготвени на невообичаен розов ентериер. :)
А потоа, пријатна прошетка низ паркот полн споменици и цвеќиња.
Сподели знаење за Ubuntu, 03.05.2008 од 12 до 17 ч. во Точка
Дополнување: Еве како изгледаше Точка. 10-12 луѓе, муабет и Ubuntu. :)
Ubuntu 2.0 на македонски
Еве ја и локализираната верзија од мојата претходна позадина за Ubuntu. Се надевам дека ќе биде од корист. Во моментов работам на кирилична верзија од официјалниот фонт на Ubuntu, па за некој ден и тоа ќе следува…
Се бара 1 (еден) филмски продуцент
Пред некое време започнавме со правење на филм на тема авторски права во Македонија.
Сега доаѓа време треба плановите да се спроведат во дело и на потфатот му недостасува човек што ќе ги спои сите работи заедно (стручно тоа се викало продуцент :)).
Се сомневам дека некој ќе изреагира на записов, ама ете да напишам, некој случајно да не сака да се пријави за оваа работа.
:)
Сајтот на Лугола ???Денес сакав да го посетам сајтот на Лугола и кога читам.. Hacked http://www.lugola.net/index.php
Кој е полуд?
Mandriva: NO MACEDONIA!Фрапантен е фактот што синоќа додека гледав интервју со Мирка Велинова на МТВ1, случајно ми падна во рака Mandriva Linux One Free 2008.1 Spring, си викам дај ќе го инсталирам да видам што направиле дечкиве. И така јас набилдан со ентузијазам и умерена доза на адреналин (како дете со нова киндер играчка) ставам тоа дискот и избрав тоа што избрав и во изборот на Country стискам М да ми даде Македонија, НЕМА. Викам чекај многу ми се спие, дај пак кликам м НЕМА!!! Се стонирав! Барај Ф, Р, Д, С, нема, па ги листав држава по држава и кога дефинитвно констатирав дека нема првото што го направив е КРШЕЊЕ НА ДИСКОТ И ДИРЕКТ СО "СЛЕМ ДАНК" ВО КОРПА. И така инстантно го испразнив адреналинот и исто Ви препорачувам и на Вас, добро е за прочистување тоа. И така... "Мандрива Но Гуд", значи батките заборавиле да стават цела нација, па што..., а нели. Јас немам е-маил во врска со нивниот контакт и каде се треба да се контактира, но кој го чита блогот и го има тоа нека праќа...
Основајте фирма кога ќе имате 39 години
Според најновите истражувања, возраста на претприемачите кои основаат ИТ компании во САД е многу повисока од генералниот имиџ на техно-вундер-кинд типови. Блогот на Пол Кедроски ги пренесува податоците преземени од Фондацијата Кауфман:
Може да се заклучи дека времето на приучените бизнисмени типично за свежите пазари полека изминува. Освен технички знаења секој кој сака да „оди“ на слободниот пазар мора да знае многу повеќе деловни и менаџерски вештини, и најбитно од се да има добар тим. Во период на глобализација оригиналноста е основна конкурентска предност, а таа се базира на инвентивноста на нејзините основачи и блискоста до потребите на купувачите. Трендот е реален и има основа.
Рамковен речник 2.0
Бидејќи ќе биде, кај и да е. Малку проширување на речникот не ќе пречи, Бадентер 20 години не го оставивме на мира. Првиот термин ми е „најнов“. Го слушнав за прв пат пред едно десетина години на една трибина во канцеларијата на Фрчковски на Правен, а еден од говорниците беше (тогаш асистент) Ѓорѓе Иванов. Инаку притисокот за овој модел (докомплетирање на Рамковниот преку право на најмоќната партија од секој етникус да биде мандатар) е една од тајните и моќни сили кои во моменталниов „спин“ со Грција вооптшо не доаѓа до израз. Но ќе си дојде се на своето, а Вие ќе бидете побогати за неколку термини (доколку не сте ги знаеле) пред да почнат да се „верглаат“ по весниците со „откритија“ дека тоа веќе постоело во Белгија, Швајцарија, Јужна Африка…
Кирилица
Ме поттикна Калина да срочам еден пост, но бидејќи е касно и ми се спие а утре ќе шетам по полјани, ќе биде краток.
Јас ја сакам кирилицата многу. И многу ме радуваше и блогерај што од старт имаше политика на необјавување на главна страна постови кои не се напишани на кирилица.
Се радувам што на некој помоќен му текнало колку е загрозен нашиот јазик и писмо, а преку тоа најмногу нашиот национален идентитет, па зел и се ангажирал малку околу информирање на луѓето за тоа.
Кампањава ми се допаѓа со сите нејзини недостатоци. Некој може да кажува што сака, ама самото тоа што се прави е доволно голем и добар чекор за мене.
п.с. Ова уште не ми се верува, ама ај да споделам и со вас. Пред некое време еден клиент на работа, познат и успешен бизнисмен, онака пун себе го изнесе својот генијален предлог да сме се организирале и да сме побарале, онака сериозно со петиции чуда, македонски да се пишувало на латиница. Не за џабе мислам дека бизнисмените се оние кои ќе го доведат до крај овој свет.
Еден линк, една слика, едно видео
Развигор за уредник :)
Предлагам Развигор да остане уредник на блогерај најмалку уште еден месец.
Мислам дека ептен сериозно си ја сфати работата, а главната страна на блогерај никогаш не изгледала посредена и со повеќе линкови од различни блогови тематики и постови. Се гледа дека постојано прати што се случува на блогерај и скоро секогаш навремено ги забележува актуелните теми.
Башка што го популаризираше интерлинкањето со кое се зголемува пејџранкот, и промовираше нови блогови и на два пати го линкаше блогот на мозила.
Кој се согласува нека пише пост или бар коментар.
п.с. Пред време се оградувам од сите идни злонамерни шпекулации дека нешто сум се договорила со него и сл. Ако некој стварно не увиде дека е најдобар уредник до сега, негов проблем.
Myth: BUSTED!
Нешто околу фамозната реклама за промоција на веронауката со Ајнштајн што се врти на телевизија под закрилата на кампањата „Образование за сите“. Многу ми е радост што ќе го напишам ова, јас како агностик-или-атеист-цртичка-скептик:
УРБАНА ЛЕГЕНДА * ЛАГА * СПЕМ * HOAX * НЕ Е ТОЧНО * АЈНШТАЈН НЕ ВЕРУВА ВО ГОСПОД СПОРЕД ЦРКВАТА
МYTH: BUSTED!
(TAX MONEY: WASTED!)
Здив
„Не мора да значи дека ако ти си фотографирал мора да се сеќаваш на тоа. Сите, особено ти, поминавме низ толку многу последниве неколку месеци. Побогу, заедно живеевте 4г., а 13 бевте во исто школо. Природно е да заборавиш на некои настани кои се потиснати од поважни чувства што си ги осетил. Едната работа се фрла длабоко во потсвеста, другите преовладуваат, но некогаш ете, доаѓаат длабоко од сеќавањето и нѐ прават да се чувствуваме мистично. Како некој да сака да си поигра со нас. Мозокот е склон кон поврзување на работите една со друга. Постојано бараме причина за случките што нѐ опкружуваат. Сакаме да знаеме зошто. Но Горазд, некогаш едноставно нема одговор. Тоа е најголемата причина да се живее утрешнината. Да го живееме моментот. Не постои причина за утре сонцето повторно да изгрее. Тоа еднотсавно ќе изгрее сакале-не сакале. Не отстапувај од тоа. Пробај да се насочиш на моментот.“ -се насмевна таа, задоволна од тоа што го кажа“.
Ова е дел од мојата нова книга -ЗДИВ. Првата е ТАБОЛИН (remember?) Поезија пишував од 16г. па се до…некаде…19? Да, 19. Имам многу тетратки необјавени материјали кои планирам да ги објавам како слободни трудови ако некогаш се нафатам да ги префрлам в компјутер. Проза, од неодамна..Многу од инспирацијата ја црпам од голем број разговори со интересни фаци кои сакаат да дискутираат за теолошко-научно-философскиот аспект на животот, не само за компјутери, програмирање итн. Особено, потенцирам со bold, голема инспирација ми се дискусиите со Павле, кој најверојатно дел од своите мисли ќе ги најде кај некој од ликовите. Па еве, благодарност до него/тебе!
Next…ако знаете за некој конкурс каде можам да конкурирам со книгава, Ве молам кажете ми, не се работи за награди и материјални придобивки, едноставно за промоција на мојата идеја. Во моментот работам на многу приватни работи. Релативно сум преокупиран. Празнициве ми убија дел од можноста да работам (на било што, како и на секој), но од друга страна делумно и ме инспирираа да пишам сега. Оваа книга започна како идеја за расказ од неколку страни, но не можам да го опфатам она што ми се сврти како идеја во мал расказ … ок, и книгата нема да е 4 тома, ама ќе е книга.
murderfs
Reiser is guilty of first-degree murder, the jury has found. He killed Nina with premeditation and deliberation and now faces 25 years to life in prison. Reiser’s brow was furrowed as court clerk Fil Cruz read the verdict in a courtroom packed with prosecutors, reporters and sheriff’s deputies.
Ханс Рејзер, таткото на reiserfs, е прогласен виновен за убиство на својата сопруга.
Ubuntu 2.0
Уште една прилично едноставна и чиста позадина за работна околина на тема Ubuntu. Убаво стои. Па пробајте ја… 
Во меѓувреме се случи и подобрeната Hardy Heron Aurora, а посебно ми е драго што е сè погледана и попреземана. Трудот не бил залуден.
Сподели [црвено] кино на 30. април 2008 во 20ч. Точка
Велат дека „у очи празник прасе не се коле“, но ние сепак ќе го одбележиме меѓународниот ден трудот, т.е ќе го најавиме неговото доаѓање утредента.
Црвената фракција во нашата организација го пребарува интернетот за да најде што поинтересни клипчиња на оваа тема. Не очекувајте дека ќе ги најдете сите одговори за работничкото движење, комунистите или анархистите на овој настан, но вреди да се појавите. И онака, сите месари се веќе затворени во 20ч. и нема веќе од каде да ја купите скарата за први мај. :-)
Идејата е да се искористат клипови, постирани од интернет корисниците. (Youtube и сл.) Да видиме што заедницата сметала дека е значајно да се аплоудира на интернет.
Напомена: клиповите ќе бидат: сериозни/смешни/глупави/пародични.
Протест пред Владата не е закажан... но кога подобро ќе размислите... кому му треба влада ;-)
од Миша Поповиќ (noreply@blogger.com) на 28 април 2008, 19:32
Compiz и Fedora: интересен трик
За да користите од најновите светки за GNU/Linux работната околина, потребни ви се Compiz Fusion додатоците. Но, со стандардната алатка за нивно вклучување во Fedora, а воопшто и во секоја останата дистрибуција (со чесен исклучок на Ubuntu) ова не оди така едноставно.
Со вклучувањето на Desktop Effects се вклучуваат само два додатоци на Compiz: Desktop Cube и Wobbly Windows. За да ги вклучите Fusion светките мора да ја вклучите fusion-icon алатката. Ова не е многу практично, најмногу поради тоа што ќе ви го „исклучи“ екранот на неколку секунди. Еве како веднаш да ги вклучите светките кога сте во GNOME работната околина:
case `basename $WINDOW_MANAGER` in
compiz)OPT4=gconf во OPT4=ccp
Што ако немав GNU/Linux ?Што ако немав GNU/Linux е прашањето кое секојдневно си го поставувам и конечно дојдов до заклучок. Ако немав GNU/Linux немаше : да знам дека USB конекторите и LAN ми се поврзани на ист IRQ да знам дека со софтверот може да истражувам, да пребарувам, да учам да знам дека софтверот се локализира благодарение на отворениот код да знам дека постојат [...]
Hardy Heron for the masses
Ова е мојот придонес за најновото издание на Ubuntu - Hardy Heron. Инспирација: MacOS Aurora. Претпоставувам дека ќе има и втора верзија од оваа позадина.
Честитки за изданието и само напред.
Ubuntu 8.04 и Ubuntu во Македонија
Како што можеби повеќето од вас и веќе знаат, денес беше објавена новата верзија на Ubuntu 8.04 (Hardy Heron). И оваа верзија доаѓа со солидни подобрувања и подобрен македонски превод. За тура низ новите подобрувања кликнете тука. За жал се уште има некои преводи кои што не се влезени во официјалните последни пакети за 8.04 но истите би требало да бидат додадени уште веднаш со наредната надградба на пакетот кој што ги содржи македонските преводи.
Што се однесува до грешките, досега успеавме да најдеме само една која што некако ни се протна при тестирањето. Се работи за Nautilus. Кога сакате да ископирате папка која што содржи датотеки, Nautilus се рестартира. Проблемот беше во преводот а веќе го лоцираше и го поправи, Јове д мен. Фала Јове! 
Повеќе околу тоа како да го решите овој проблем тука.
Ако кликнавте на последната врска приметивте дека води до форум за Ubuntu на македонски јазик. Форумот се вика „Ubuntu за Македонија“ и е дел од идејата што ја имав од поодамна за отворање на некоја нова средина на интернет каде што би можеле да се сретнат поискусните корисници со почетниците, секако за да им помогнат. Голема благодарност до Стама и Новица што помогнаа околу преведувањето на форумот, но се уште ни е потребна помош во тој домен, така да доколку сакате да помогнете да ги расчистиме преостанатите проблеми, регистрирајте се и пријавувајте грешки во одделот „За Форумот“. Сега за сега би сакал со помош на заедницата да пробаме да го направиме овој форум што е можно попријателско и поинтересно место на интернет за сите заинтересирани, па ќе видиме како ќе се одвиваат работите понатаму.
Сакав да напишам еден подолг пост на оваа тема каде што сакав подетално да ги образложам моите идеи за започнување на овој форум но и тоа ќе го оставам тоа за понатаму.
Во меѓувреме, симнете си го новото Ubuntu или пак надградете го од локалното огледало.
Ако имате било какви проблеми, прашајте на форумот.
150 години од теоријата за еволуција
Овој период се прославуваат 150 години од објавувањето на теоријата на еволуција.
Во Република Македонија, чинам помила ни е идејата дека еволуцијата не постои а животинските и растителни видови се создадени такви какви се (со сертификувано географско потекло од Македонија), а еден од првите жители во светот подарен од Господа е Александар Македонски кој се обиде, 300 години пред неговиот братучед Исус, да го избави човештвото од неговиот пад.
Во период на масовни историски фалсификувања, национал антички романтизам и анти научно расположение, Дарвиновата, па и другите рационални научни теории, влеваат оптимизам во сивилото.
дополнување: А причината зошто го напишав постот, освен јубилејот, е и оваа секција на магазинот Guardian посветена на тоа.
Обновено е македонското огледало за Ubuntu
Денес, уште пред официјално да излезе Ubuntu 8.04 Hardy Heron, се обнови македонското огледало. Значи репозиторијата се само за i386 архитектура, а имате Kubuntu/Ubuntu iso слики за i386 и amd64.
Балканизација
Во еден текст за Руби во Реџистер повторно го сретнав изразот балканизација. Сериозно, ова е општо прифатен и литературен збор во англискиот. Сликава вреди илјада зборови, наместо пејст од дефиницијата:
Јован Наумовски
Јован Петров
Јосип Џолонга
Александар Балаловски
Арангел Ангов (ufo)
Билјана Кочоска (Bi)
Благој Капсаров
Владимир Стефанов
Владислав Бидиков
Георги Станојевски
Гоце Митевски
Дамjан Величковски
Дамјан Георгиевски
Зоран Димовски
Иван Стојмиров
Игор Стаматовски
Кирил Димески
Лаптоп за секое дете
Милош Столиќ (misos)
Миша Поповиќ
Никола Ваневски
Новица Наков
Сподели знаење
Стојанче Димитровски
Последна промена:
12 мај 2008, 22:19
Сите времиња се UTC.
