Македонска GNU/Linux планета

Сподели знаење: Програмски вечери - 02.02.2012

сре, 01 фев 2012 23:15:00 +0000

Оваа недела во терминот за програмски јазици, почнуваме една нова серија на средби посветени на Qt C++ Framework од Trolltec (Nokia). Qt е повеќе платформски C++ GUI framework. Многу е интерсен затоа што е многу убаво документиран, лесен за учење, релативно лесно портабилен на нови платформи, работи како на десктопи (GNU/Linux, MacOS X, m$ windows) и на мобилни телефони (Symbian, Android, MeeGo). Своите познавања за Qt, QML, Qt Quick ќе ни ги сподели Тони Јованоски кој е Qt Ambassador. Средбата почнува стандардно во 19:00 часот.

Сподели знаење: Ажурурано: GNU/Linux и Убунту Прва Помош во понеделник, 30.01.2012

сре, 01 фев 2012 12:45:43 +0000

Како и секој друг понеделник, така и овој, ќе се наоружаме со наполитанки и различни софтверски алатки кои се слободен софтвер и ве очекуваме да дојдете да се дружиме и да ви помогнеме да ги решите вашите проблеми со GNU/Linux, Ubuntu, Android... Тоа е стандардната редовна активност, гарант ќе излезе и нешто друго интересно. Затоа, спакувајте си ги лаптопите и се гледаме на дружба утре во Хаклаб 2.0 :) За малку ќе заборавев имаме нов ентериер во хаклабот, прекрасни маси и столчиња кои чекаат да бидат сефтосани https://imgur.com/a/gg5Fb

Како поминавме: Имавме гостин од една компанија, со него се правеше муабет за можна соработка и поправивме еден Android HTC Wildfire S на кој неможеше да се инсталираат нови апликации. Покрај ова се вртеше и редовниот гиковски муабет :)

Мите Митрески: Google is removing search results?

вто, 31 јан 2012 21:21:43 +0000

Google has begun filtering results for searches that involve copyright violation. In my opinion this is just a beginning of a series of events that are going to happen with the pretense of anti-piracy that will end up hurting freedom of speech and eventuality things will become like 1984 if they haven't already...

Here is the image that I got searching for "gotye somebody that i used to know mp3"

Update:
As Michael McGraw-Herdeg pointed out in the comments, this has been here for long time. I don't remember seeing this in the past but apparently there is a law preventing Google and any other companies from displaying links like this...

http://en.wikipedia.org/wiki/Chilling_Effects

http://www.nytimes.com/2002/04/22/business/new-economy-copyright-dispute-with-church-scientology-forcing-google-some.html?src=pm

Mozilla.мк блог: Десет огнени лисици и десет молскавични птици

вто, 31 јан 2012 12:23:40 +0000

Денес, на 31 јануари 2012 год. излегуваат уште две нови надградби од кујната на Mozilla. Очекувајте ги Firefox 10 и Thunderbird 10 попладне, кратко по 16 часот, по локално време.

Што е ново во Firefox 10?

Firefox 10 ќе биде релативно голема надградба или барем поголема од оние, на кои се навикнавме во изминатиот период со забрзаниот развоен циклус.

Firefox ќе воведе помалку рестриктивен пристап кон додатоците. Повеќе нема да има потреба од задолжителна надградба за секој додаток, при објавувањето на нова верзија од Firefox.

Од 10-та верзија, Firefox ќе си претпоставува дека секој додаток е веќе прилагоден да работи и на понови верзии од прелистувачот. Така, корисниците нема да бидат оневозможени да ги користат омилените додатоци и на најновите верзии од Firefox, а вината за потенцијалните проблеми ќе биде префрлена кај развивачите на додатоците.

Во Firefox 10 ќе добиеме и алатка за брзо истражување и менување на составот на веб-страниците – алатката „Inspect“, составена од „Page Inspector“ и „Style Inspector“ – како еден вид на осиромашена верзија од Firebug, со поразличен дизајн. Предноста е што „Inspect“ станува составен дел од јадрото на Firefox, со што се намалува потребата од Firebug за основните корисници.

Други дополнувања и измени:

копчето „Forward“ станува невидливо, доколку нема следна страница кон која може да се насочите;
поддршка за anti-aliasing за WebGL;
подобрена поддршка за IndexedDB;
поддршка за веб-апликации што би работеле на цел екран;
поддршка за 3D-трансформации преку CSS3;
поддршка за елементот за двострано ограничување на текст;
подобрувања на Firefox Sync;
и така натаму.

Што е ново во Thunderbird 10?

Новата, 10-та верзија на Thunderbird, доаѓа со многу помали измени и дополнувања, но сепак се 130+.

Сосема нова ќе биде можноста за пребарување на Интернет директно од Thunderbird, а подобрувања можат да се очекуваат во функционалноста за пребарување низ пораките и менаџирањето на нацрти (drafts).

Честитки за уште две успешни изданија на целокупната заедница на Mozilla!

Новица Наков: #10години 2С.мк

нед, 29 јан 2012 10:48:26 +0000

Tags:

Оваа 2012 година Слободен софтвер Македонија прославува 10 години постоење. Се чини дека оваа година ќе биде возбудлива за сите што некако се наоѓаат на фронтот на дигиталните слободи. Опасностите кои надвисуваат над нас пред сѐ во форма на законските решенија како SOPA и ACTA уште еднаш ќе ја тестираат истрајноста и посветеноста на ширката заедна луѓе што работи на прашањата поврзани со слободен софтвер во [и од] Македонија.

Но, пред да се вратиме на работите што нужно го бараат нашето внимание денес, може и треба да се потсетиме на некои поважни датуми од изминативе десет години. Еве ги со ред:

1. 28 октомври 2002 година
Се одржа основачкото собрание на Слободен софтвер Македонија. Собранието се одржа во тогашниот „Пингвин Паб“ карши автобуската станица „Рекорд“ во Скопје. Присутни беа 15 основачи. Беше изгласан првиот статут на организацијата и првото раководство. За претседател беше избран Иван Стојмиров. Во управниот одбор членуваа уште и: Александар Ников, Арангел Ангов, Васко Митанов, Дамјан Георгиевски, Дарко Стојчев и Игор Петрески.

2. 4 септември 2003 година
На апелот за помош во врска со можниот договор со Мајкрософт испратен до меѓународната заедница за слободен софтвер се одзва Џон Хол, претседателот на Linux international. Писмото од Џон Хол стигна во Македонија на овој ден и истото беше испратено до Претседателот на Републиката, до Претседателот на Собранието, до пратеничките групи, и до Владата на Република Македонија.

3. 3 јуни 2004 година
Слободен софтвер Македонја ја поплави со слободен софтвер втората конференција на Мајкрософт - „Визија“.

4. 16 јуни 2005 година
На седница на Владата на Република Македонија беше усвоена Националната стратегија за развој на информатичко општество. Лобирањето на Слободен софтвер Македонија овој пат вроди со плод. Во обемниот документ има место за слободниот софтвер, платформската неутралност и отворените стандарди.

5. 25 јули 2006 година
Слободен софтвер Македонија доби покана да учествува на проектот на UNDP Македонија насловен „Support to e-Governance initiatives based on Free/Open Source Software at the local level in FYR Macedonia“. Организацијата испрати работни препораки до UNDP Македонија.

6. 16 јануари 2007 година
Слободен софтвер Македонија и фондацијата Метаморфозис со заедничко соопштение до јавноста го критикуваа тендерот за комјутерска писменост кој го распиша Владата на Р. Македонија. Неколку дена подоцна Владата ја исправи тендерската документација во која претходно се бараше само обука за Мајкрософт офис.

7. 26 мај 2008 година
Слободен софтвер Македонија во јавноста излезе со свој став во врска со кампањското локализирање на софтвер потребен за училиштата во Македонија што го спроведуваа Влада на Р. Македонија и USAID во соработка со приватни компании. Како резултат на нивните краткорочни решенија за локализација беше зададен голем удар на заедницата на преведувачи. По нивната конечна одлука за кампањскиот модел повеќе локализациски проекти престанаа со својата активност. http://slobodensoftver.org.mk/vesti/reakcija_za_tender_za_lokalizacija_e...

8. 17 октомври 2009 година
Отворен првиот хаклаб во Скопје: КИКА.

9. 03 јуни 2010 година
Во Скопје предавање одржа Ричард Сталман.

10. 13 јули 2011
Во скопскиот хаклаб КИКА се одржа прва само за жени хакерска вечер.

Подолга листа со настани се одржува на викито за слободен софтвер. Но, и ова е чинам доволно за да го видиме резимето на Слободен софтвер Македонија. Со ова темпо, и оваа година ќе биде забавна и плодна.

Текстот е објавен на it.com.mk: #10години 2С.мк.

Сподели знаење: Сподели знаење, 28.01.2012

саб, 28 јан 2012 00:11:08 +0000

Утре редовно од 12 часот, сподели знаење во КИКА.

На програмата имаме презентација за uWSGI - Best Practise од страна на Дамјан, а останатот време ќе го пополниме со рандом() презентации.

Воедно утре ќе имаме и Open Economics Hack Day по програма која што може да се најде тука : http://piratepad.net/JaFgzk2uN6

Како и секогаш, присуството е задолжително, а кафето бесплатно :)

Се гледаме утре!

ПС: Доколку некој сеуште незнае каде се наоѓа новиот хаклав, мапа:

Кликнете тука за поголема мапа.

Поддржано од

Град Скопје

Новица Наков: Цени

пет, 27 јан 2012 16:15:21 +0000

Tags:

Овие неколку забелешки супер би дошле како некој цртеж, графикон или слично, но кога веќе не можам да шкртнам така, да шкртнам вака:

1. Цената на струјата расте, меѓу другото и поради зголемената потрошувачка.

2. Потрошувачката е зголемена поради зголемената употреба на струја за затоплување.

3. Тоа пак е резултат на намалената употреба на топлинска енергија од Топлификација (да, ова пред сѐ е за Скопје).

4. Намалената употреба на топлиснка енергија е поради нејзината зголемена цена.

5. И нејзината зголемена цена е поради намалената употреба, т.е. луѓето плаќаат повеќе меѓу другото и поради тоа што плаќаат за оние станари што се исклучиле.

Сумирано, луѓето што се исклучиле, меѓу другите фактори, имаат влијание на качувањето на цената и на парното и на струјата.

Со други зборови, огромен општествен трошок се прераспределува кон одредена група на граѓани - т.е. тие што плаќаат и парно и струја.

Со трети зборови, срање.

Сподели знаење: Програмски вечери - 26.01.2012

чет, 26 јан 2012 12:24:08 +0000

Во четврток на менито за програмски јазици во КИКА имаме :

1. Презентација од страна на Јованка во врска со GNOME Women Outreach Program како и нејзината работа поврзана со GTK и Empathy

2. Гледање на видеа од PyCon 2011, специфично за Advanced Network Architectures With ZeroMQ и Using Coroutines to Create Efficient, High-Concurrency Web Applications

Стандардно од 19 до 21 часот на новата локација

Кликнете тука за поголема мапа.

Поддржано од

Град Скопје

Јованка Гулицоска: Hello GOPW!

пон, 23 јан 2012 04:35:30 +0000

This is my first blog post for Gnome Women Outreach Program and my first blog post on Planet GNOME. I know that this post comes a “bit” late but I’ll try to write everything that I wanted to write one … Continue reading →

Новица Наков: Законите и интернет

нед, 22 јан 2012 16:14:14 +0000

Tags:

Веќе сите знаат дека на 18 јануари 2012 „интернет штрајкуваше против SOPA“. Дури и очајните македонски медиуми на некој начин ја пренесоа веста. Мајка ми беше загрижена дека нема да може да се чуе со брат ми на Skype дека нема да сме имале интернет од пет наутро до пет попладне...

Накратко, повеќе водечки веб страници беа недостапни еден ден: Википедија на англиски јазик, BoingBoing, reddit, imgur и слично. Тоа се страници кои се длабоко поставени во техно-либертаријанството на Силиконската долина, анти-авторитативноста, анти-цензурата и повразни граѓански вредности, што ми се чини дека за чудење ќе беше овие страници да не затвореа тој 18 јануари [или некој друг ден]. Ним, до некаде, им се приклучи и еден од најголемите иноватори на интернет - порно индустријата, и можеби овие две заедно е сѐ што многумина од нас подразбираат под „интернет“: википедија и порно. Да се рече дека интернет е многу повеќе од тоа е истакнување на очигледното, но несомнено улогата на овие е значајна.

Има [барем] две клучни точки во врска со SOPA (и PIPA) што одат преку тесното „википедија не ми работи“ гледиште во врска со овие закони. Првата произлегува од честото мислење или убедување - „па јас не сум пират, не даунлоадирам од интернет, немам филмови на харддиск...“ и на неа кратко може да се одговори со коментарот на pssvr на reddit: „Ниедна тиранска, мизерна влада не доаѓа на власт ветувајќи им на луѓето тиранија и мизерија“. Коментарот е одговор на друг малку подолг коментар за тоа како Данска ја живее својата епизода со цензурата на интернет; за тоа како добрите намери и ограниченоит опфат и опсег се губат штом ќе биде поставена инфраструктурата. Сигурен сум дека имало „добри намери“ и кога пред петнаесетина години се донсувале договорите во WIPO што подоцна се искористени за носење на DMCA. Секој што е на интернет од 2000-тата знае дека оттогаш има постојана кампања за елимирање на DRM, но успехот најблаго речено е ограничен. Последиците од ова поместување на законските регулативи можеби најсликовито ги објаснува Кори Доктороу во својот говор на 28c3 - „Надоаѓачката војна на компјутерите за општа употреба“.

Втората пак произлегува токму од искуството со DMCA и се однесува на мислење или убедување дека сето ова нас, овде, во Македонија не нѐ засега. Впрочем ова е битка во Соединетите држави, за нивни закони кои воглавно се однесуваат нивни компании, во изборна година, и секако надвор од сите главни грижи што ние тука ги имаме. Поупатени луѓе од мене веќе го адресираа ова прашање. На пример, тука е текстот на Мајкл Гајст, „Зошто Канаѓаните треба да учестуваат во протестот против SOPA/PIPA“ кој беше рециклиран и на BoingBoing. Но, ете да не останам покусо со мој коментар, ќе упатам на Законот за авторското право и сродните права (Службен весник на РМ, бр. 115 од 31.08.2010 година), Оддел 1: Заштита на технолошки мерки, каде започнува нашата „DMCA во мало“. Тоа се одредби кои се внесени во законот без многу врева, јавна дебата или земање предвид на истражувања или анализи во врска со DRM кои постојат со оглед на тоа дека законот во САД е донесен во 1998, а кај нас 12 години подоцна, и оттука поминато е доволно време да се направи проценка. Јасно, на увозот на законски мерки нема царина или други бариери, но позагрижувачки е тоа што одредбите може да дремат на хартија сѐ додека во еден момент не се искористат против нешто што само во фуснота ја има идејата за авторските права.

Но, ете сме назад на нормално функцинирање на мрежата. Затемнувањето против SOPA и PIPA имаше мерлив успех. До крај останува да видиме дали на Википедија ќе треба да ѝ се заблагодаруваме за нешто повеќе од обезбедување на лесно разрешување на кафански расправии.

Текстот е објавен на it.com.mk: Законите и интернет.

Сподели знаење: GNU/Linux и Убунту Прва Помош во понеделник, 23.01.2012

нед, 22 јан 2012 13:18:20 +0000

Во понеделник на ГНУ/Линукс и Убунту Прва Помош, освен регуларните активности за решавање на проблеми со ГНУ/Линукс и слободен софтвер, ќе го средуваме и новиот сервер во КИКА.

Новиот сервер ќе биде поставен на место на сегашниот debilan.local кој успешно не опслужуваше последниве 2 години, но му дојде време да се замени. Новиот ПЦ кој ќе биде сервер е со подобра конфигурација и има 2 хард дискови од по 120 GB кој ќе ги подесиме во софтверски RAID.

Името на серверот сеуште се дискутира на ping.mk, утре ќе видеме кој ќе победи.

Како и секогаш, почнуваме од 19 до 21 часот на новата локација :

Кликнете тука за поголема мапа.

Поддржано од

Град Скопје

Сподели знаење: Сподели знаење за сабота 21.01.2012 почеток од 12 па натаму

пет, 20 јан 2012 16:43:55 +0000

Сподели Знаење Сабота (20.01.2012) од 12 часот

Оваа сабота се се врти околу планирање. Во план ни е исполнето Сподели знаење, и еден обид времето да го распределиме на следниов начин, со различни теми, па ќе можете да си го планирате времето и да дојдете на настанот кој што највеќе ве интересира, ако веќе не можете да присувствувате на целодневниот настан:

Од 12 до 14 часот:

Редовно одржување и затоплување на просториите, дискусии и преглед на изминатите настани од претходната недела, со чашка топло филтер кафе во пријатна атмосфера ви нудиме:

дискусија за имплементирање на rfid читачи и нивна примена во хаклабот
mega upload vs. anonymous vs. us.gov
како да дојдеме до Club mate : имаме понуда, ни треба логистичка компанија, увозник и како да ја решиме дистрибуцијата во самиот хаклаб

Од 14 до 16 часот

Презентација на Views (за Друпал 7) како содржините објавени на вашиот сајт лесно се претвораат во пластелин. (Игор Стаматовски)

[обликување, презентирање, сортирање и ремоделирање на Друпал содржини] заедно со дискусија и интерактивна сесија

Од 16 до 18 часот :

Open Economics Day - Разгледување на теми и дискусија за предлог проекти што би можеле да ги исхакираме за следната сабота 28.01.2012 од Open Knowledge Foundation. http://blog.okfn.org/2012/01/18/open-economics-hack-day-saturday-january-28th-2012/ ( Порака од Баже Петрушев и предлози http://piratepad.net/JaFgzk2uN6 за следната сабота )

Од 18 па натаму:

/b слободни активности и работа на индивидуални проекти

Кика 2.0 се наоѓа на следнава локација:

Кликнете тука за поголема мапа.

Поддржано од

Град Скопје

Сподели знаење: Програмски јазици: Пишување на програми во C за визуелизации за 3D лед коцката, 19.01.2012 почеток 19 часот

сре, 18 јан 2012 15:25:33 +0000

По презентациите од минатиот четврток во редовниот термин за Програмски Јазици за дизајнот на 3D коцката (хардверското решение) овој пат, ќе се обидеме да направиме визуелизации за истата (програми напишани во C). Коцката е направена со користење на Arduino Nano и изгледава вака:

Моменталниот софтвер за визуелизациите можете да го најдете на Github, можете да го клонирате или форкате.

Дојдете, напишете ја визуелизацијата и покажете ја во живо!

Во секој случај за најинвентивната визуелизација следува награда.

Стандардни дискусии за програмерски загатки и оптимизациии, како и flame wars помеѓу python/ruby/php/java/.net/ perl?! (немаме ниту еден perl-аш).

Се гледаме утре во 19 часот во хаклабот Кика на следнава локација:

Кликнете тука за поголема мапа.

Поддржано од

Град Скопје

Мите Митрески: MySQL create UTF database

вто, 17 јан 2012 21:17:07 +0000

The one command that I use very often and I always forget exactly how it was. So here is how one creates UTF8 database in MySQL:

CREATE DATABASE dbname CHARACTER SET utf8 COLLATE utf8_general_ci;

Reference
http://dev.mysql.com/doc/refman/5.0/en/create-database.html

Далибор Насевиќ: Do It Yourself

нед, 15 јан 2012 12:59:00 +0000

Yet another re-design of my blog. I have added responsive design and migrated it to Rails 3.1.3 using the assets pipeline. I use this blog as a place for Do It Yourself experiments and I wanted to share some thoughts about it.

Do you have an app that you built for yourself? Do you have a pet project where you built an app for others, but you are also using it by yourself? Do you prefer building and maintaining your own blog over using a blogging service like Wordpress, Blogger or Posterous?

Build an app as a foundation for your experiments and learning exercises. App as a place to stretch your knowledge. If you are a developer, make you own design. If you are designer, extend the app with some dynamic features. Experiment building a jQuery plugin to display your latest tweets or use Redis to cache the tweets on your server. Experiment with other third part services and use their APIs. Experiment with Responsive Design or other CSS3 and HTML5 features. Deploy the app on your server. Setup the server by yourself. Experience downtime of the server. Learn to read error logs. Fix it. Schedule regular backups. Design something. Receive critics. Improve it.

The thing is: you cannot do all these things on a client project and spend client's time. Client project is a time when you execute with full speed. Speed that you gained by regular practice and learning.

Get out of the comfort zone. Build something for yourself. Keep your skills sharp and ready.

Just to give you a broader perspective I will finish this post with a quote on Work Ethic from The Clean Coder book by Uncle Bob Martin. I highly recommend this book to you.

Your career is your responsibility. It is not your employer's responsibility to make sure you are marketable. It is not your employer's responsibility to train you, or to send you to conferences, or to buy you books. These things are your responsibility. Woe to the software developer who entrusts his career to his employer.

Some employers are willing to buy you books and send you to training classes and conferences. That's fine, they are doing you a favor. But never fall into the trap of thinking that this is your employer's responsibility. If your employer doesn't do these things for you, you should find a way to do them yourself.

Новица Наков: Улис и зомбија

нед, 15 јан 2012 08:09:02 +0000

Tags:

Ова е првиот наслов на кој помислив кога прочитав дека од 1 јануари 2012 делата на Џејмс Џојс влегуваат во јавниот домен во ЕУ. За оние кои не знаат Џојс се смета за „родоначелник и втемелувач на модерниот прозен и експериментален пристап“ [според Википедија на Македонски]. Насловот не е случаен. Една исто така голема авторка Џејн Остин, чии дела од поодамна се наоѓаат во јавниот домен, има добиено проширувања и преработки со зомбијата како централна тема. Книгата се вика „Гордост и предрасуди и зомбија“ и настрана од поволните критики што ги има добиено, ова дело претставува еден од светлечките примери за тоа што може да се прави кога културата е слободна. Уште еднаш, по кој знае кој пат, познатиот рефрен на Лоренс Лесиг: „Креативноста секогаш се надоградува на минатото“ - совршено го сумира овој уметнички потфат, како и можностите што стојат пред нас.

Но, љубителите на проза со зомбија не се единствените што се радуваат на оваа вест. Според текст од American University единствениот наследник на имотот на Џојс, неговиот внук Стефен Џојс, будно и жестоко ги бранел правата од делата на Џојс, дејствувајќи против јавноста што сакала да го слави големиот писател и против академската заедница за која делата на Џојс се од големо значење.

Така оваа година за прв пат на 16 јуни, на Блумсдеј – денот кога се случува „Улис“ и денот кога светот го слави Џејмс Џојс, тие прослави нема да бидат модерирани од страна на режимот на авторски права.

Радоста сепак ја нема во целиот свет. На многу од книгите на Џојс авторските права остануваат да важат во САД уште најмалку десетина години. Делата на Џејмс Џојс не се единствената жртва на проширувањето на режимот на авторски права во САД. Како што објави Центарот за проучување на јавниот домен, ако законот за авторски права останеше во формата од 1976 година на 1 јануари 2012 на јавниот домен ќе му се приклучеа: „Враќањето на кралот“ од Толкин, „Крадци на тела“ од Џек Фини, два од трите главни филмови на Џејмс Дин - „Источно од рајот“ и „Бунтовник без причина“ и уште дузина други култни дела.

Додека ја чекаме „Улис и зомбија“ преземањето од интернет на „Улис“ и другите дела на Џејмс Џојс е слободно – периодот од живот + 70 важи и во Македонија. Повелете на проектот Гутенберг.

Текстот е објавен на it.com.mk: Улис и зомбија.

Сподели знаење: GNU/Linux Убунту Прва Помош (GLUPP), Понеделник, 16.01.2012

нед, 15 јан 2012 02:02:45 +0000

Оваа седмица темата на гну/линукс убунту прва помош ќе биде бекап и стратегии за бекап.

Првиот чекор кон инсталација на гну линукс е бекапирање на тековите податоци, втор чекор е инсталација, третиот чекор треба да биде успешна стратегија за бекап.

Колку често правите бекап? Каде и како?

Јавна тајна е дека сите знаеме дека треба да правиме бекап, но кој всушност и навистина го прави:

Првото излагање ќе биде:

Правење на бекап со backintime

Второто излагање ќе биде стратегии за бекап rsync+ssh и корисна веб апликација базирана на овие технологии.

Дополнително секако дека доколку имате некаков проблем со ГНУ/Линукс на својот компјутер дојдете за да пробаме заеднички да го решиме.

Нормално ако сакате да го su-ате својот андроид телефон повелете, или ако има некои проблеми со андроид можеби ќе се обидеме да ги решиме и нив во рамките на ГЛУПП.

Хаклаб 2.0 се наоѓа на следнава локација:

Кликнете тука за поголема мапа.

Поддржано од

Град Скопје

Мите Митрески: Aria2 - awesome command line download manager

саб, 14 јан 2012 16:51:42 +0000

Back in my Windows days aka the dark ages, I was very into download managers. This was probably because those days we had slow Internet like dial-up and cable with speeds up to 128 kbps down / 64 kbps up. So at these kind of speeds it makes more sense to use download managers, mostly because you are waiting all the time and these managers made you feel that things moved faster even if sometimes that was not the case. Also IE was very dominant browser at the time and when it crashed you would have to re-download instead of just continue, that was the biggest reason why I was using FlashGet, Go!Zilla and of course Download Accelerator Plus.

Nowadays download speed is rarely the issue, but sometimes we like to automate downloads. Great way to automate is using terminal based download manager. Aria2 has some very interesting features that we can use. Basically aria2 is a lightweight multi-protocol and multi-source command line download manager. It has support for HTTP/HTTPS, FTP, BitTorrent and Metalink.

There are many other alternatives that come to mind like wget or cURL but whit aria2 you can download files from several URIs using different protocols and also if you give aria2 list of files it will download them concurrently.

aria2 download very well: aria2 cancels slow servers and use the faster server to finish the download. In other words, it is very clever and reliable in many different situations and it does most of the downloads in parallel.

Installation

You can download it directly from SourceForge .

I'm using the Linux version, but there are releases for Windows and Android but I can't say that I have tried them. There are also packages for most of the Linux distributions.

For Debian based (Ubuntu , Linux Mint):


sudo apt-get install aria2

Arch Linux

sudo pacman -S aria2

Fedora and yum based

sudo yum install aria2

Few simple examples

Download a file


 aria2c  location-or-URL-of-file

Download from multiple sources


 aria2c  location1 location2 location3 ...

Download torrent


 aria2c location-of-file.torrent

List files in torrent


aria2c -S location-of-file.torrent

Download specific files from torrent


aria2c --select-file=1,2,3... location-of-file.torrent

index of files ( 1,2,3 ) can be found with -S command

Limit speed for upload ( on torrent files for example )


aria2c --max-upload-limit=200K location-of-file.torrent

Limit speed for download


aria2c --max-download-limit=100K location of file

Pause and resume

In order to pause just press Ctrl+C and to resume enter the same command at the same location. Aria2 keeps .aria2 files where it memorizes the current download progress.

Download using multiple connections


aria2c -j7 -x2 location-of-file  other-location-of-file...

this way we instruct aria2c to use 7 concurrent connections with max 2 connections per server

Download a list of files from URI provided in a file


aria2c -i file-with-uris.txt

Links

http://sourceforge.net/projects/aria2/files/stable/

http://aria2.sourceforge.net/
http://aria2.sourceforge.net/aria2c.1.html - MAN Page
http://funsurf-blog.blogspot.com/2010/09/aria2-terminal-based-download-manager.html

Сподели знаење: Сподели Знаење (14.01.2012, 12-18 часот)

пет, 13 јан 2012 21:48:54 +0000

Сподели Знаење во Хаклаб 2.0 и оваа Сабота (14.01.2012) од 12 до 18 часот.

Ќе има 2 презентации за:

Redmine - Систем за менаџирање на проекти (Арангел Ангов)
Arch на Beagle Board (Дамјан Георгиевски)

Покрај презентациите, ќе има и дискусија околу функционирањето на Хаклаб 2.0 и приоритетите за 2012та година вклучувајќи:

Програма
Промоција
Блог редизајн (CSS + HTML)
Инфраструктура
Финансии

Сите заинтересирани што сакаат да допринесат во подобрување на функционирањето на Хаклаб 2.0 се добредојдени.

Хаклаб 2.0 се наоѓа на следнава локација:

Кликнете тука за поголема мапа.

Поддржано од

Град Скопје